Surfiguration

Chés vagances de Jacques Cauda

Texte paru dans le numéro 158 d’Agir en Picardie

Inhui (1), chés coureux déch Tour de France is sont passeus leu où tout piot j’avouos cmincheu à m’edviseu (2) aveuc mi-meume. Mi tout seu. Aveuc mi-meume. Parce qué j’n’existouos qu’à mitan : m’n’oreille alle parlouot eune langue qué m’bouque a n’compronouot point. ’évnouos éd Paris, ène ville doù qu’chés neurmèles alles sont dés merles, chés aïauts dés jonquilles, éch maristér un instituteur et chés vagances dés vacances. Dés vagances d’été qu’éj passouos chez pépère et mémére qu’is habitouo’tte à Dargny. Dès l’cminchmint (3) d’él jornée, édvant m’bol d café coeud (4), m’grand-mère alle m’édmandouot :
– Veux-tu un piot molé (5) éd catimourons (6) aveuc tin gatieu battu, min piot (7) ?

J’étouos pour li dire qu’jé m’trouvouos trop jonne (8) pour m’casseu m’pipe, pour « catimourir battu », mais m’bouque a s’aclichouot (9) à n’in braire (10) el restant éd l’attelée (11). M’grand-mère alle m’érbeyouot (12) sans dire érien mais j’savouos bien qu’au fond d’ellemeume alle pinsouot : qué boin piot mais qu’il est rédeux (13) ! Oui, j’étais drôlatique, comme i disouot m’grandpère. Pour ceusses qu’i m’liz’tte ichi, « drôlatique » cha a l’meume sinifi énche equ « drolibus », et drolibus » ch’n’est point ène invint’rie pour arringeu chu cirtchulation dins Paris.

J’érviens à mi, à m’n’histoére, qu’alle est dévnue, durint un boin momint, ène histoére éd quouo- u’ch’est (14). Quouo-qu’ch’est, pépère, qu’éd n’point volouér és désatcheu (15) d’sin ber (16) quand chu vint maouais (17) i berzille (18) tout alintour d’és mouaison (19) ? Quouo-qu’ch’est, mémére, ’éch coeut (20) v’nu dégratteu éch guérdin, pour mucheu s’crotte dins chés queutchilles ? Vint berzilleu et queutchilles, chés vagances d’été as avouo’tte dureu pus qu’ène coupe (21) éd mouos, et os étouot déjeu à l’saison d’chés gins matchés d’frouod, érnifl ant et lapant du fl ipe à l’tonne (22) pour s’récauffeu. Interdeux, j’étouos meume alleu à l’école éd Dargny, aveuc chés piots Picards qu’is m’erbéyouo’tte comme chu horzain (23) équ j’étouos. Et tours (24) intimideux ar chés mots couére muchés25 in mi et qu’éj dévouos tracheu (26) dins m’n’esprit pour parleu leu langue. Chés nazus-leu is m’avouo’tte meume donneu un surpitchet, un bieu, j’étouos chu Mourlonneu (27). D’ailleurs tortous (28) chés gins éd Dargny is avouo’tte un surpitchet. Nou voésin, ch’étouot chu Lion, parche qu’il éclaboussouot tout. Pus lon, y avouot la France, érpeupleur éd chu pouéyis29 aveuc sés tchinze nazus (30), et pis aussi ch’Pleupleu (31) et un patchet d’z’eutes qu’is n’m’érviench’tte point. Achteure (32), i m’reste couère un piot molé éd mots et bien grinmint (33) éd rapinsemints qu’is pass’tte ichi dvant mes tchintchets (34) comme
inhui chés coureux déch Tour. 
Jacques Cauda

Lexique : 1. aujourd’hui - 2. deviser, parler - 3. le commencement - 4. chaud - 5. un peu 6. mures 7. enfant - 8. jeune -9. se fermait - 10. pleurer - 11. la matinée - 12. me regardait 13. original - 14. qu’est-ce que c’est - 15. sortir, se lever -16. lit - 17. méchant 18. brise - 19. maison - 20. chat - 21. une paire -22. mélange de cidre et d’eau-de-vie à foison - 23. qui n’est pas du village - 24. toujours - 25. encore cachés - 26. chercher 27. celui qui mâche continuellement - 28. tous -29. village - 30. morveux 31. pivert, par extension un bavard 32. aujourd’hui - 33. beaucoup - 34. quinquets, les yeux

INFORMATIONS PRATIQUES

Traduction

Les vacances

Aujourd’hui , les coureurs du Tour de France sont passés là où enfant j’avais commencé à me parler à moi-même. Moi tout seul. Avec moi-même. Parce que je n’existais qu’à moitié : mon oreille parlait une langue que ma bouche ne comprenait pas. Je venais de Paris, une ville où les neurmèles sont des merles, les aïauts des jonquilles, le maristér un instituteur et lesvagances des vacances. Des vacances d’été que je passais chez pépère et mémère qui habitaient Dargnies. Dès le matin, devant mon bol de café chaud, ma grand-mère me demandait :
– Veux-tu un petit peu de catimourons avec ton gâteau battu, mon petit ?

J’allais lui répondre que je me trouvais trop jeune pour mourir, pour « catimourir » battu mais ma bouche se fermait à en pleurer jusqu’au soir. Ma grand-mère me regardait sans rien dire mais je devinais bien qu’au fond d’elle-même elle pensait : « Quel bon petit, mais quel original ! » Oui, j’étais original, drolatique comme disait mon grand-père. Pour ceux qui me lisent, « drolatique » a la même signification que « drôle d’olibrius » et « olibrius » n’est pas une invention pour améliorer la circulation dans Paris !
Je reviens à mon histoire, qui était devenue au fil du temps une histoire de « c’est quoi ? » C’est quoi, pépère, que de ne pas vouloir se désatcheu de son ber quand le vent maoiais berzille tout autour de la maison ? C’est quoi, mémère, qu’un coeut venu dégratteu le jardin pour mucheu sa crotte dans les queutchilles ? Le vent mauvais et la mâche, disent combien les vacances s’étaient prolongées jusqu’à l’hiver, quand les gens sont tellement mangés par le froid, qu’ils boivent des grogs à la tonne pour se réchauffer. À l’automne, j’étais même allé à l’école de Dargnies, avec les enfants du village qui me regardaient comme l’étranger que j’étais. Et toujours intimidé par les mots picards encore cachés en moi et que je devais chercher dans mon esprit pour parler leur langue. Ces morveux-là ils m’avaient même donné un surnom, un beau, j’étais le Mourlonneu, celui qui mâche sans arrêt. D’ailleurs, tous les habitants de Dargnies avaient un surnom. Notre voisin c’était le Lion, parce qu’il rugissait quand il parlait. Plus loin, il y avait La France, qui repeuplait le pays avec ses quinze enfants, et puis aussi le Pivert, et d’autres qui ne reviennent pas.
Aujourd’hui, il me reste encore un peu de mots picards et beaucoup de souvenirs qui passent devant mes yeux comme ici les coureurs du Tour.

Jacques Cauda